Ditari 1 - 30.11.2025

TOP LAJMET
Deputeti Ilir Demiri braktis Frontin Evropian dhe ASH-në e Selës dhe do të veprojë si deputet i pavarur. Në njoftimin drejtuar Kuvendit nuk jep ndonjë sqarim për vendimin e tij për të vepruar si i pavarur.

Sonte në mesnatë skadon afati për mbledhjen e nënshkrimeve për kandidatët e pavarur që duan të marrin pjesë në zgjedhjet e përsëritura lokale në komunat: Mavrovë-Rostushë, Vrapçisht, Gostivar dhe Qendër Zhupë.

Këshilli i Bashkimit Evropian përsëri do t’i bëjë thirrje Maqedonisë së Veriut në samitin e dhjetorit që të përmbushë detyrimin e saj dhe të bëjë ndryshime kushtetuese, si parakusht për të vazhduar procesin e negociatave. Kreu i Kuvendit Afrim Gashi thotë se agjenda reformuese e domosdoshme për integrim në Unionin Evropian është prioritet i shtëpisë ligjvënëse.

Në Kumanovë, në përfundim e sipër është zgjerimi i rrjetit të gazsjellësit ndërsa rritet interesimi për ngrohje me gaz. Çmimi i gazit arrin në 60 den për metër kub, mbase version më i lirë për ngrohje ndërkaq efektet në mbrojtjen e ambijentit janë shumëfishta.