Ditari 1 - 09.06.2026

TOP LAJMET
Maqedonia e Veriut dhe Bullgaria kanë nevojë për ndërtimin e masave për besim, thotë presidentja e Republikës, Gordana Siljanovska-Dakova. Sipas saj ky ka qenë edhe qëllimi i takimit me nëkryetaren bullgare, Iliana Yotova. Ndërkaq, kryeministri Mickoski thotë se angazhohet për marrëdhënie të mira ndërfqinjësore por në plan të parë ka të mbroj identitetin dhe interesin e shtetit.

Procesi i zgjerimit të Bashkimit Evropian është në vazhdim dhe zhvillimet e reja gjeopolitike globale lejojnë që ky proces të përshpejtohet, ka deklaruar ambasadori i Bashkimit Evropian në vend, Mihalis Rokas, gjatë takimit me kryeparlamentarin Afrim Gashi.

MPB-ja paralajmëron përforcimin e kornizës ligjore, përmes së cilës do të rregullohet përdorimi i monopatinave elektrike dhe do të ashpërsohen masat. Ministri i Brendshëm Pançe Toshkovski thotë se, monopatinat elektrike përbëjnë sfidë serioze edhe për MPB-në.

Mbi 45% e popullsisë së rritur në vend është duhanpirëse, duke e renditur vendin ndër shtetet me shkallën më të lartë të duhanpirjes në Evropë. Kufizimet e reja ligjore pritet të japin efekt edhe në rënien e shkallës së konsumit.