Ditari 1 - 30.07.2026

TOP LAJMET
Gostivari ende pa ujë të pijshëm. Sanimi i gjendjes po merr kohë ndërsa institucionet nuk lejojnë konsumin derisa tre analiza të njëpasnjëshme laboratorike nuk rezultojnë se uji është i pijshëm.

Filipçe kërkoi që Qeveria të publikojë menjëherë rezultatet e analizave të ujit në Gostivar dhe t’i japë fund informacionit kontradiktor që shpërndahet nga institucionet. Mickoski optimist që banorët e Gostivarit sëshpejti do të kenë ujë adekuat për pije.

Rritet numri i pacientëve të prekur nga eteht e Nilit. Momentalisht në klinikën për sëmundje të fëmijëve janë hospitalizuar 8 pacientë me ethet e nilit. Tek 3 pacientë e tjerë dyshohet që bëhet fjalë për infeksionin e njejtë.

Pr/Ligji për Përfaqësim të Drejtë sipas të gjitha gjasave do të mbetet për miratim pas pushimit kolektiv të Kuvendit. Kreyparlamentari Gashi siguron se pr/ligji nuk do të kontrabandohet sic pretendon opozita, e cila sipas tij, po përpiqet të bllokojë punën e Kuvendit.