Ditari 1 - 14.08.2026

TOP LAJMET
Uji në Gostivar prej sot është i pijshëm, bëjnë të ditur nga Agjencia për ushqim dhe Veterinari, dhe shtabi i krizës. Sipas tyre heqja e ndalesës për pirjen e ujit bazuar në analizat e kryera nga Instituti i Shëndetit Publik dhe Ujësjellësi në Shkup.

Zjarri ka kapluar qendrën Turistike Greke Halkidiki, ku janë evakuuar të paktën 480 turistë, përfshirë edhe disa turistë nga Maqedonia e Veriut. Nga Ministria e Punëve të Jashtme e vendit njoftojnë se pesë familje nga Maqedonia kanë kërkuar evakuim nga zonat e prekura nga zjarri në Greqi.

Maturantët të cilët për arsye të ndryshme nuk e kishin dhënë provimin e Maturës Shtetërore në afatin e parë, një gjë të tillë patën mundësi që ta bëjnë sot. Nëse nuk e kalojnë provimin as në afatin e dytë, mundësinë e rradhës do ta kenë vitin e ardhëshëm. Ndërsa në të gjitha universitetet janë ulur për 2.000 kuotat për regjistrimin e studentëve, bën të ditur minsitreja Vesna Janevska.

Pas PDK-së dhe Aleancës edhe LDK zgjedh të mbetet në opozitë, por për të mos i bllokuar institucionet shprehet e gatshme të votojë për president jo partiak. Ndërkohë kreu i Vetëvendosjes, Albin Kurti, u ka shkruar krerëve të partive opozitare për tu takuar që të diskutojnë për zgjedhjen e presidentit, që ti jepet fund ngërçit institucional.