Ditari 1 - 04.05.2025

TOP LAJME
Kryemsinitri Hristijan Mickoski e këshillon kreun e BDI-së Ali Ahmeti, që të bëjë reforma programore dhe kadrovike brenda partisë së tij dhe të mos jetojë në të kaluarën. Deklarata e Mickoskit është përgjigje e deklaratës së Ahmetit se nëse detyrohet të del në rrugë nuk kthehet deri në shpalljen e zgjedhjeve të parakohëshme. Njëherit Mickoski bëri të ditur se nesër do të takohet me Arben Taravarin, për ti bërë me dije se bashkëpunimi me BDI-në është i pa pranueshëm. Nga ana tjetër kreu i LSDM-së Venko Filipçe thotë se këto zhvillime janë dëshmi se koalicioni qeveritarë është i pa qëndrueshëm.

Lëvizja e Taravarit mund të shkaktojë krizë në VLEN dhe Qeveri, vlerëson profesori universitarë Bashkim Selmani. Edhe analisti politik, Petar Arsovski, vlerëson se situata e krijuar me lëvizjen e Taravarit do të shkaktojë jo vetëm lëkundje politike brenda koalicionit qeveritar, por mund të shkaktojë edhe zgjedhje të parakohëshme parlamentare.

Me protesta në Koçan familjarët e viktimave në diskotekën "Puls", kanë kërkaur drejtësi jo selektive dhe përgjigjesi për tragjedinë. Qytetarët e Koçanit janë të ndarë sa u përket pritshmërive për drejtësi të shpejtë për tragjedinë.

Aksidentet në komunikacion shkaktojnë numër të madh të lënduarish dhe viktimash në vend. Aksidentet në rrugët e Shkupit javën e kaluar i morrën jetën një 16 vjeçari në Çair, apo më 2 maj një 13 vjeçari në Llazhan, afër Prilepit. Nga MPB thonë se shkaktarë të aksidenteve janë më së shumti vozitja e shpejtë, por edhe vozitja nën ndikimin e alkoolit, apo edhe drejtimi i automjeteve pa leje për vozitje. Qytetarët e anketuar thonë se nuk ndjehen të sigurtë në rrugë, pasi këmbësorët shpeshherë janë viktima.