Ditari 1 - 30.07.2025

TOP LAJMET
Në mbledhjen e këshillit ekonomik social nuk u arrit pajtueshmëri rreth kërkesave të Lidhjes së sindikatave për rritjen e pagave. Kryemsinitri Hristijan Mickoski thotë se e ka të qartë standardin e ulët të qytetarëve, por kjo gjendje nuk mund të përmirësohet brenda natës. Por, sindikalistët vlerësojnë se kërkesat e tyre janë të qëndruehsme.

Në përkujtim të 14 viktimave të tragjedisë në spitalin modularë në Tetovë, para repartit për sëmundje infektive në Tetovë do të ndërtohet një park memorial. Ministri i Shëndetësisë, Azir Aliu, dhe zëvendëskryeministri Arben Fetai, duke bërë të ditur fillimin e ndërtimit të këtij parku, theksuan se këto viktima nuk duhet të harrohen, si dhe duhet të ketë drejtësi për këtë rast.

Në afëri të mbikalimit të “Bit Pazarit” në Shkup, u vendos një pllakë përkujtimore që përkujton katër viktimat e ngjarjeve tragjike të “Bit Pazarit” më 6 dhe 7 nëntor të vitit 1992. Në ngjarjet e Bit Pazarit, përveç katër viktimave ishin arrestuar dhe torturuar rreth 250 shqiptarë, ndërsa u bastisën shumë shtëpi të lagjeve Gazibabë dhe Serovë dhe u demoluan lokalet në Çarshi të Shkupit.

Misnitri irlandez i integrimeve, Tomas Birn ka qëndruar në Shkup, ku është pritur nga minsitri Orhan Murtezani. Pa integrimin e Ballkanit nuk ka Evropë të qetë është theksuar me këtë rast. Minsitri irlandez, Birn, njëherit ka theksuar se procesi i negociatave do të vazhdojë kur RMV-ja të implementojë obligimet e dala nga propozimi francez.