DITARI 1 - 09.10.2019

Zgjerohen hetimet për rastin Zhvatja, me 4 të dyshuar të tjerë, një prej tyre funksionar i lartë. Kryeprokurori Publik Lubomir Joveski, thotë se aktakuza për rastin do të ngrihet nesër. Kryeministri Zaev është i prerë, Ligji vlen njësoj për të gjithë. Askush nuk guxon të fshihet pas pozitës. Megjithatë kërkon që prokuroria të vërtetojë njëherë nëse funksionari i lartë i përfshirë në hetimet shtesë për rastin Zhvatja, është i dyshuar apo i akuzuar.

Qeveria I ka kërkuar Komisionit të Venecias të shtyjë shqyrtimin e mendimit për Ligjin për përdorimin e gjuhëve. Nga Ministria e Drejtësisë thonë se kanë nevojë për më shumë kohë. Kreu i ekzekutivit shtroi sot dilemën, se, nëse e drejta për përdorimin e gjuhës, rrezikon të drejtën për drejtësi, a nuk do të duhej të mendohej ende? Madje Zaev thotë se RMV është treguar avangarde në zbatimin e disa normave europiane, e këtë ai nuk e ka problem , por dyshon të aftësinë momentale të e instituiconeve për ti zbatuar të njejtat.

Holanda kërkon që Maqedonia e Veriut dhe Shqipëria të trajtohen ndaras në hapjen e negociatave inkuadruese për anëtarësim në Union. Megjithatë Holanda, nuk do të vendosë veto nëse vendet e tjera anëtare do votojnë pro fillit të negociatave. Maqedonia e Veriut e kënaqur nga ky vendim, Shqipëria fajson opozitën dhe lojrat brenda BE-së

Prindërit e 11 fëmijëve shqiptarë të Idrizovës, mbeten të prerë në kërkesën e tyre që deri në ndërtimin e shkollës së re, fëmijët e tyre klasën e 6- të ta fillojnë në shkollën “Njegosh”. Kërcënojnë se nëse komuna e Gazi Babës e refuzon këtë këkesë, do të nisin grevë urie.