Ditari 1 - 17.04.2025

TOP LAJMET
Ka shkuar në 62 numri i viktimave nga tragjedia në Koçan, pasi një pacient që po trajtohej në Beograd ka ndërruar jetë gjatë ditës së sotme. Ministria e Shëndetësisë njofton se, sipas informatave nga Akademia Ushtarake Mjekësore në Beograd, sot paradite ka ndërruar jetë nga plagët e marra Stojançe Stefanov nga Koçani, i lindur në vitin 2001.

Kanë vazhduar përplasjet mes koalicionit VLEN dhe partnerit të deri djeshëm të koalicionit ASH, të Arben Taravarit. Njëri nga liderët e koalicionit “VLEN”, ka dekaruar se ASH dhe Taravari vetë kanë bërë zgjedhjen, duke i zgjatur dorën BDI-së. Ndërkohë Taravari ka ironizuar vendimin e VLEN-it lidhur me apelin për ndryshim, duke thënë se ndryshimi fillon nga vetja dhe se ka disa që nuk ndryshojnë fare. Nga ana tjetër kreu i BDI-së, Ali Ahmeti, ka ftuar të gjitha partitë shqiptare që ta braktisin qeverinë aktuale.

Prej nesër, të gjithë tregtarët e vegjël, të mesëm dhe të mëdhenj, përfshirë marketet ushqimore, barnatoret, si dhe dyqanet e teknikës dhe mobiljeve, janë të obliguar të publikojnë çmimet e produkteve në uebfaqet e tyre zyrtare. Qytetarët janë të ndarë sa u përketë pritshmërive, ndërsa shoqata e barnatoreve private thotë se barnatoret nuk janë të përgaditura që ta zbatojnë këtë vendim.

Ka dështuar për here të dytë seanca konstituive e Kuvendit të Kosovës. Pas koordinimit të thirrur me përfaqësuesit e partive politike nga kryesuesi i seancës Avni Dehari, ky i fundit bëri të ditur se nuk ka pasur dakordim mes partive dhe vazhdimin e seancës e ka caktuar për me datë 19 prill.