Ditari 1 - 05.07.2025

TOP LAJMET
Profesori universitar Mersel Bilalli thotë se pa ndryshime kushtetuese, Maqedonia e Veriut nuk do të mund të hapë negociatat për anëtarësim në BE. Ai apelon për përgjegjësi politike dhe urgjencë në ndërmarrjen e hapave të nevojshëm për të shmangur izolimin dhe për të garantuar një të ardhme evropiane për vendin.

Koalicioni “Të gjithë për gjykim të drejtë” shpreh shqetësim serioz për vazhdimin e praktikave jolegjitime të Këshillit Gjyqësor. Thekson nevojën urgjente që përparimi në karrierë i gjyqtarëve të bazohet në rezultate reale dhe jo në lidhje personale apo vendime të pashpjeguara.

Ministri i Punëve të Brendshme Pançe Toshkovski, ka theksuar disa nga rezultatet e arritura në luftën kundër krimit dhe korrupsionit që nga marrja e detyrës si minister. Ai tha se ka ardhur koha të tregojmë se shteti është më i fortë se çdo kriminel, se çdo strukturë e korruptuar, dhe ka ardhur koha të rivendosim besimin në institucione dhe për të mbrojtur çdo qytetar.

Në rajonin e Kumanovës dukshëm është rritur numri i zjarreve. Nga Njësia Territoriale e Zjarrëfikësve të Kumanovës thonë se faktori njeri është shkaku i këtyre zjarreve, pasiqë në hapsira të thata po djegin mbeturinat, dhe se të njejtit po rrezikojnë sigurinë e qytetarëve.